Kopa Mundiál 2026, Áustria Manan Jordania ho Score 3-1

Áustria hasoru Jordánia ba Tasa Mundiál 2026.

Díli, 17 Juñu 2026 (RAFA.TL)- Ekipa nasionál Áustria manan nia adversáriu Jordánia ho score 3-1 iha sira-nia jogu dahuluk iha grupu J Kopa Mundiál 2026.

Ekipa Áustria ho Jordánia joga iha Estádiu San Francisco Bay Area, Kuarta (17/06/2026), hatudu jogu ida atrativu dezde minutu dahuluk. Maibé ekipa Áustria iha uluk vantajen atu marka golu ba Jordania no tama ba minutu 21 jogadór Áustria Schmid marka uluk goluhodi muda score ba 1-0. Ekipa Jordania mós lansa kedas kontra atake atu halo kedas empata liuhosi jogadór Abualnadi nia kabesa husi kantu, maibé bola sei kona poste.

Jordania iha tan oportunidade ida iha minutu 36, liu husi jogadór Olwan nia suta no bola lakonsege tama no sai mai iha área gradeal laran monu ba Al Taamari, maibé sei nafatin hetan blokeiu hosi defeza sira. Laiha tan golu ruma akontese no arbitu huu apitu ba intervallu.

Tamba ba segunda parte, jogu foin lao minutu haat, Jordania halo empata liu husi nia jogadór Ali Olwan nia suta husi kaixa penalidade nia liur kona poste no tama ba rede laran.

Ho golu ne’e halo Áustria halo esforsu liután no marka golu daruak iha minutu 67 liuhosi jogadór Arnautovic. Golu ne’e la permite hosi VAR, tanba Posch kaer bola bainhira bola ne’e dirije ba nia antes Arnautovic nia suta.

Áustria nafatin halo esforsu no tama ba iha minutu 77, Áustria hatama nia golu daruak liuhosi autogolu husi Alarab no muda score ba 2-1. Hafoin golu ne’e, Arnautovic marka tan golu ida hodi muda score ba 3-1 liu husi penalidade iha minutu 90+12. Ida-ne’e akontese hafoin Obaid kaer bola iha baliza nia oin enkuantu tenta atu trava Arnautovic nia pasajen.

Ho rezultadu ida-ne’e, Jordánia tuur segundu klasifikasan Grupu J Kopa Mundiál 2026 ho pontu tolu, no Argentina mak lidera Grupu ne´e tamba kolekta golu barak liu, Jordania iha terseiru lugar ho pontu zero.

Jornalista: Marito da Costa/Editór: Vito Salvadór