Kopa Mundiál 2026, Koreia-Súl Halakon Repúblika Xeka ho Score 2-1

Ekipa Koreia-Súl selebra vitória hafoin manan Xefe ho score 2-1.

Díli, 12 Juñu 2026, (RAFA.TL)– Koreia-Súl hahú nia jornada inísiu iha Kopa Mundiál 2026 iha jogu abertura Grupu A nian no susesu hafoin halakon nia adversáriu Repúblika Xeka ho score 2-1.

Jogu Grupu A entre Koreia-Súl no Repúblika Xeka ne’ebé hala’o iha Estádiu Guadalajara iha sidade Zapopan, Méxiku, Sesta (12/06/2026), ekipa Koreia-Súl halo come back ida ne’ebé nakonu ho supreza hodi halakon Xeka ho score 2-1.

Koreia-Súl halo keadas presaun ba nia adversáriu Xefa desde minutu dahuluk jogu hahú, no kuaze iha minutu 11 nia laran jogu dahuluk Repúblika Xeka iha presaun nia laran tamna Koreia-Súl lansa atake sira tutuir malu liu husi nia jogadór estrela Son Heung-Min, maibé, sutu husi kapitaun ne’e iha área penalidade nia laran, hetan blokeiu hosi defeza adversáriu.

Liu tiha minutu balun, Koreia-Súl kontinua lansa ameasa fali maibé, Lee-Han Beom nia kabesa husi Lee Tae-Seok nia kruzamentu husi parte karuk liu deit iha trave leten.

Repúblika Xeka koko atu livre husi presaun no koko atu aproveita bola kantu ida hodi kria oportunidade, maibé, Tomas Soucek nia suta la tur iha alvu.

Iha jogu primeira parte ne´e, Koreia-Súl kontinua domina bola ho estratejia ne´ebé iha maibé, la konsege marka golu. No ekipa Repúblika Xeka ne´ebé treina husi treinadór Miroslav Koubek mós la konsege ameasa baliza súl-koreanu.

Iha minutu 37, Koreia-Súl hetan oportunidade liuhosi Son Heung-Min, Maibe, nia suta husi area penalidade nia liur mos lakona alvu. No ekipa rua mantein ho score 0-0 too primeira parte termina.

Tama ba segunda parte, ekipa rua mantein lansa kontra atake ba malu ho estratejia ne´ebé iha, no Koreia-Súl kontinua joga ho agresivu iha inísiu segunda parte ne´e. Tama ba iha minutu 49, Koreia-Súl hetan tan oportunidade osan-mean liuhosi Lee Jae-Sung, maibé guarda-rede xeku Matej Kovar antesipa no halo kontrolu ida diak hodi asegura nia rede husi bola.

Repúblika Xeka ne´ebé joga iha presaun nia laran, hetan bola oportunoidade iha minutu 59 liuhosi kabesa kapitaun Ladislav Krejci ne´ebé aproveita bola soe ba laran hodi marka golu no muda score ba 1-0.

Koreia-Súl ne´ebé iha ambisaun atu rekolla vitóri iha jogui ne´e konsege halo empata iha minutu 68 liuhosi Hwang In-beom. Médiu ofensivu súl-koreanu ho kalma halo ronda ba guarda-rede xeku Matej Kovar molok hatama bola ba rede mamuk hodi muda score ba 1-1.

Iha minutu 77, Tomas Soucek besik atu lori Repúblika Xeka ba oin hafoin marka golu hosi set piece, maibé, golu refere la permite tanba pozisaun offside.

Liutiha minutu rua, Koreia-Súl konsege lansa kontra atake lais no Oh Hyeon-gyu marka golu, hodi lori Koreia-Súl lidera jogu ne´e ho score 2-1.

Iha minutu 81, República Checa hetan oportunidade hodi halo empata liuhosi suta suplente Adam Hlozek nian, maibé, nia suta hetan blokeiu hosi defeza súl-koreanu. No too Jogu ne’e remata score mantein 2-1 no vitória ba  Koreia-Súl.

Ita-boot bele asiste Kopa Mundiál tomak iha NTV ka bele haree liuhosi TT Streaming iha http://tv.timortelecom.tl/

Jornalista: Marito da Costa/Editór: Vito Salvadór