Liga Timorense Segunda Divizaun, AC Mamura Fahe Pontu ho Lica-Lica Lemorai F.C

Jogu entre A.C Mamura ho Lica-Lica Lemorai F.C iha Estádiu Munisipál Díli, Kuarta 10 Juñu 2026.

Díli, 11 Juñu 2026 (RAFA.TL)- Ekipa estimadu komunidade Mamura, Suku Bairru-Pité, AC Mamura, obigadu tenke fahe pontu hanesan ho nia adversáriu Lica-Lica Lemorai F.C iha jogu ikus Segunda Divizaun Grupu B ho score 2-2.

Jogu entre ekipa rua ne’ebé hala’o iha Estádiu Munisipál Díli, Kuarta (10/06/2026), AC Mamura tun kedas ho ambisaun boot, ho nune’e jogu foin hala’o minutu ida a AC Maumura marka kedas golu ida ba Lica-Lica Lemorasi F.C liu husi jogadór Roberto Maia hodi lidera provizoriu ho score 1-0.

Ho golu lais hosi ekipa Mamura nian ne’e obriga ekipa Lica-Lica Lemorai F.C, tenta fó presaun boot ba AC Maumura  atu buka golu, ho nune’e tama ba iha minutu 39 Jyzeus Vong konsege produs golu ida hodi muda score ba 1-1 molok termina jogu priemeira parte.

Kontinua ba jogu segunda parte tensi jogu komesa manas liután ba ekipa rua ne’e hodi lansa kontra atake ba malu ho ritmu ida-idak nian.

Tama ba iha minutu 58 ekipa AC Mamura konsege lidera hikas ho score 2-1 liu hosi asaun jogadór Ruben Soares.

Ho Score refere jogu sai manas liután ba ekipa rua ne’e hodi lansa kontra atake ba malu. Mas, tama ba  minutu 82 Lica-Lica Lemorai F.C konsege halo empata ba score sai 2-2 liu hosi jogadór Diogo Soares.

Ho score refere tensi komesa manas liután ba ekipa rua hodi lansa kontra atake ba malu ho agresivu, maibé to’o termina jogu Segunda parte score mantein 2-2.

Hosi rezulatadu empata ne’e hatuur metin ekipa Lica-Lica Lemorai F.C iha pozisaun daruak ho pontus lima hosi jogu haat; manan ida, empata rua no derrota dala ida.

Ekipa AC Mamura iha pozisaun datoluk ho pontu lima hosi jogu tolu; manan ida, empata rua no derrota ida.

Jornalista: Davilio Valdemir/Editór: Vito Salvadór