play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Timor-Leste Asegura Billete ASEAN Hyundai Cup 2026 Hafoin Manan Brunei Darussalam ho Score Agregat 6-1

todayJune 10, 2026 37 11 4

Background
share close

Ekipa Timor-Leste selebra vitória. Imajen/FFTL

Díli, 10 Juñu 2026 (RAFA.TL)- Selesaun Nasionál Timor-Leste susesu asegura billete ASEAN Hyundai Cup 2026 hafoin halakon nia adversáriu Brunei Darussalam ho score agregat 6-1 iha jogu daruak play off ne’ebé halao iha Estádiu Kuala Lumpur, Malázia, Tersa (09/06/2026).

Timor-Leste ho Brunei Darussalam ne’ebé hadau billete ida hodi asegura pozisaun iha ASEAN Hyundai Cup 2026, desde inisiu ekipa rua ho ambisaun boot hodi lansa kontra atake ba malu,  maibé ekipa Brunei Darussalam ne´ebé mak sofre uluk golu tolu iha jogu dahuluk hatudu esforsu másimu iha jogu daruak ne’e, ho nune’e, tama ba iha minutu 43 kapitaun ekipa Brunei Darussalam Azwan Ali Rahman susesu produs golu ida hodi lori nia ekipa lidera provizoriu ho score 1-0.

Jogadór meiu kampista ho númeru kamizola 7 ne’e marka golu hafoin simu pasazen furak hosi nia kompatriota Asyraffamhi Norsamri iha liña klaran hodi suta dook ne’ebé la konsege antisipa hosi guarda rede Dylan Jose Nicky.

Ho Score refere ekipa rua tenta lansa kontra atake ba malu, maibé to’o termina jogu priemeira parte score mantein 1-0  lidera hosi Brunei Darussalam.

Kontinua ba jogu segunda parte ekipa Lafaek hatudu ritmu di’ak no tama ba iha minutu 48 Timor-Leste konsege sutu ameasa dala ida liu hosi jogadór João Rangel, maibé sei bele antisipa hosi guarda rede Brunei Darusalam.

Liu hosi luta naruk, ekipa ne’ebé treina hosi Ze Pedro ikus mai konsege responde golu empata iha minutu 55, liu hosi jogadór Zion Cruz, hosi asaun kabesada hafoin simu asistensia bola kruza hosi nia kompatriota Liam Farrugia iha liña karuk.

Ho score refere jogu kontinua manas ba ekipa rua lansa kontra atake ba malu.  Tama ba iha minutu 62 Claudio Osorio susesu produs golu ida hodi lori ekipa Lafaek lidera ho score 2-1 hafoin aproveita bola barullu iha grande área laran.

Timor-Leste kontinua domina liután bola ho nune’e tama ba iha minutu 80 Oatansio da Silva susesu hadook score ba 3-1 hafoin simu asistensia bola kruza hosi nia k Zenivio Mota iha liña loos.

Ho score refere ekipa rua tenta nafatin lansa kontra atake ba malu, maibé to’o termina jogu Segunda parte score 3-1 mantein la muda.

Hosi rezulatadu vitória ne’e lori ekipa Lafaek hakat ba Asean Hyundai Cup 2026 hamutuk ho grupu (B), Kambodia, Indonézia no Singapora.

Jornalista: Davilio Valdemir/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!