AS Jerman Elimina hosi Kopa AFTL 2026 Hafoin Derota Hasoru Loriku F.C

Ekipa Loriku F.C.

Díli, 02 Juñu 2026 (RAFA.TL) – Ekipa istmadu Munisípiu Manatuto AS Jerman elimina hosi Kopa Asosiasaun Futsal Timor-Leste (AFTL) 2026 hafoin derota hasoru Loriku F.C iha jogu daruak grupu F ho score 1-2.

Duelo entre ekipa rua ne’ebé hala’o iha kampu futsal Kuartel Jenerál FALINTIL-Forsa Defeza de Timor Leste (F-FDTLiha  Díli, Segunda (01/06/2026), AS Jerman hala’o jogu ho agresivu desde inisiu no konsege domina liu bola hodi lansa atake Hasoru Loriku F.C.

Tama ba iha minutu lima Loriku F.C konsege halo kontra atake ne’ebé lais hodi produs kedas golu ida liu hosi jogadór Luis Figo hodi hatuur score ba 1-0.

Ekipa rua lansa kontra atake ba malu hodi buka oportundade atu hatama golu, maibe to’o termina jogu priemeira parte score mantein 1-0.

Kontinua ba jogu segunda parte tensaun jogu  iha kampu laran komesa manas liután ba ekipa AS Jerman ho Loriku F.C hodi lansa kontra atake ba malu, maibé tama ba iha minutu 38 Juaquim Ferreira lori nia ekipa Loriku F.C lidera ho score 2-0.

Iha minutu 39 arbitu duni sai João Mateus hafoin hetan kartaun kinor ba daruak nian. Menus jogadór ida ekipa AS Jerman konsege aproveita ho di’ak hodi produs kedas golu ida hodi hamihis score sai 2-1 liu hosi jogadór Zacarias da Rosa no score refere mantein to’o termina jogu Segunda parte vitória ba Loriku F.C.

Hosi rezulatadu ne’e hatuur ekipa Loriku F.C iha segundu klasifikasaun grupu F ho pontu tolu hosi jogu ida, enkuantu ekipa AS Jerman iha pozisaun ikus liu ho pontu zero no elimina ona hosi Kopa AFTL faze apuramentu.

Entertantu group F kompostu hosi ekipa tolu mak hanesan Maudoko F.C, Loriku F.C no AS Jerman, hosi ekipa tolu ne’e ekipa rua se’i elimina iha faze apuramntu no ida mak se’i avansa ba faze eliminasaun Kopa AFTL 2026.

Jornalista: Davilio Valdamir/Editór: Vito Salvadór