play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Abertura Kopa AFTL 2026, Gamer F.C Manan Crazy Horse F.C ho Score 1-0

todayMay 26, 2026 51

Background
share close

Ekipa Gamer F.C

Díli, 26 Maiu 2026 (RAFA.tl)- Ekipa Estimadu Munisípiu Baucau, Gamer F.C susesu rekoilla pontu tolu iha jogu dahuluk grupu A Kopa Asosiasaun Futsal Timor-Leste (AFTL) 2026, hafoin halakon nia adversáriu Crazy Horse F.C iha jogu abertura ne’ebé hala’o iha kampu Futsal Falintil-Forsa Defeza Timor-Leste (F-FDTL), Fatuhada, Díli, Segunda (25/05/2026).

Jogu abertura Kopa Asosiasaun Futsal Timor-Leste (AFTL) 2026 entre , Gamer F.C ho Crazy Horse F.C iha Kampu Futsal F-FDTL, Fatuhada, Díli, Segunda (25/05/2026).

Iha jogu abertura Kopa AFTL entre ekipa rua ne’e hetan partisipasaun másimu husi públiku hadomi Futsal no mós adeptushusi Klubu rua ne’ebé ho entusiazmu fó apoiu ba sira nia ekipa.

Dezde inisíu jogu parte dahuluk, ekipa Crazy Horse F.C ne’ebé adota estratejia power play konsege domina bola hodi lansa kontra atake ba ekipa Gamer F.C, maibé tentativa sira ne’e seidauk bele rezulta golu no ekipa rua mantein ho ritmu ne’ebé sira iha hodi asegura idaidak nia rede husi golu.

Haré ba intensidade jogu ne’ebé adversáriu iha, ekipa Gamer F.C ne’ebé joga iha presaun nia laran konsege aproveita oportunidade sira hodi responde ho kontra-atake lalais no sutu repetidamente ba baliza adversáriu, maibé seidauk kona iha alvu no la rezulta golu ruma, nune’e ekipa rua termina primeira parte ho score 0-0.

Hakat ba segunda parte, ritmu jogu komesa sa’i manas liután no ekipa rua lansa kontra atake ba malu ho intensidade aas to’o iha minutu 25 kapitaun ekipa Gamer F.C, David Correia susesu marka golu ida ba Crazy Horse F.C hodi muda score ba 1-0.

Ho golu ne’ebé ekipa Gamer F.C prodeus obriga adversáriu Crazy Hourse F.C tenke halo esforsu hodi aplika Power Play hodi buka halo impata, maibé ekipa Gamer F.C kontinua hadi’a sira-nia jogu hodi halo kombinasaun ida masímu defende vitória  no la fo fatin ba ekipa Crazy Horse F.C marka golu, ho nune’e,  to’o jogu segunda parte termina score mantein 1-0, no vitória ba Gamer F.C, enkuantu Crazy Hourse F.C obrigadu tenke sofre derrota iha jogu dahuluk ne’e.

Ho vitória ne’ebé iha hatuur ekipa Gamer F.C iha pozisaun dahuluk Tabela Klasifikasaun Grupu A ho pontus tolu, enkuantu ekipa Crazy Horse F.C okupa terseira klasifikasaun ho pontus Zero.

Entertantu, Grupu A Kopa AFTL 2026, kompostu hosi ekipa tolu, hanesan Gamer F.C, Crazy Horse F.C, no Kablaki F.C

Jornalista: Davilio Valdamir/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!