play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Ekipa V.D.L F.C Kontinua Hela iha Zona Mean Hafoin Derrota ho Skor 0-5 Kontra Academika F.C

todayMarch 20, 2026 21

Background
share close

Ekipa jogadora Academika F.C. Imajen/Rafa.tl

DÍLI, RAFA.tl– Ekipa estimadu komunidade Lahane V.D.L F.C obrigadu tenke mantein iha zona mean hafoin derrota ho skor 0-5 kontra Academika F.C iha jornada ikus Liga Timorense Futeból Femenino (LTFF).

Notísia Relevante: Liga Femenino, S’amuser F.C Kontinua Rekolla Pontu Tolu Hafoin Halakon V.D.L F.C ho Skor 6-0

Ekipa V.D.L F.C. Imajen/Liga Timorense de Futebol Feminino

Jogu entre V.D.L F.C no Academika F.C ne’ebé hala’o iha Kampu Federasaun Futeból Timor-Leste (FFTL), Kinta (19/03/2026), ekipa rua tun ho ambisaun hakarak rekolla vitória ho intensaun atu aumenta pontu iha jornada ikus.

Academika F.C marka kedas golu ida iha minutu dahuluk liu husi jogadora Dewi Safitri hodi muda skor ba 1-0. Husi golu ne’e, Academika F.C halo kedas presaun ba nia adversáriu V.D.L F.C.

Ekipa rua mantein halo kontra atake ba malu no ekipa V.D.L F.C lansa atake tuituir malu ba  Academika F.C, maibé sei falla iha ezekusaun ikus, nune’e Academika F.C mantein lidera jogu ne’e.

Tama ba minutu 39 jogadora Dewi Safitri aumenta tan golu ida hodi muda skor ba 2-0 hafoin aproveita sutu bola falta ne’ebé iha.

To’o jogu primeira parte termina, ekipa rua mantein ho skor ne’ebé iha no Akademika F.C lidera provizoriu jogu ne’e.

Tama ba segunda parte, Ekipa V.D.L F.C halo mudansa ba tátika no hahú ho substituisaun ba jogadora iha liña klaran no avansadu ho intensaun hakarak marka golu ba sira-nia adversáriu hodi muda skor iha tabela.

Tama ba minutu 67  ekipa Academika F.C aumenta tan sira nia golu ida liu husi jogadora Angelita da Costa hodi muda skor ba 3-0.

Ekipa Academika F.C mantein domina jogu no jogadora Dewi Safitri marka tan golu ida iha minutu 81 hodi muda skor ba 4-0.

Iha minitu 90,  Academika F.C kompleta nia vitória ho golu ikus husi Angelita da Costa hodi muda skor ba 5-0.  Ho nune’e, Academika F.C mantein iha klasifikasaun da-neen tabela klasifikasaun LTFF no V.D.L F.C mantein iha zona mean ho pontu hitu.

Tuir orariu jogu liga Futeból Femenino,  Sesta (20/03/2026),  tuku 19:00 Otl, ekipa Maranatha F.C sei kontra ekipa Kulugisa F. C, iha kampu FFTL.

Reportajen ekipa Rafa.tl

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!