play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Xanana Husu Komunidade no Autoridade Lokál Sira Tau Matan Ba Sentru Treinamentu Futeból Becora

todayFebruary 3, 2026 43

Background
share close

PM Xanana fó hatene ba Xefe Suku sira iha Becora ho Kamea atu tau matan baSentru Treinamentu “Korea-Timor-Leste Friendship Sports Centre- Becora”. Imajen/Rafa.tl

DILI, RAFA.tl– Primeiru-Ministru (PM), Kay Rala Xanana Gusmão, husu ba komunidade ho autoridade  Suku Becora no Suku Kamea atu  kontribui tau matan ba Sentru Treinamentu Futeból Becora hodi tulun foin-sa’e sira aprende no promove talentu iha área futeból.

Notísia Relevante: Governu ho KOICA Inaugura Sentru Treinamentu “Korea-Timor-Leste Friendship Sports Centre-Becora”

Primeiru-Ministru (PM), Kay Rala Xanana Gusmão, iha serimónia inaugurasaun ba Sentru Treinamentu  “Korea-Timor-Leste Friendship Sports Centre- Becora”, Tersa (03/02/2026), husu autoridade lokal atu kuidadu Sentru Treinamentu Akadémika Futeból Becora ne’e no evita komunidade sira  tama-sai arbiru hodi estraga fasilidade sira iha sentru refere.

“Lori Governu nia naran, lori Repúblika Koreanu nia reprezentante nia naran, lori KOICA nia naran, lori juventude Timor-Leste nia naran, ami husu ba ita boot sira (autoridade lokal), kuidadu ho kampu ne’e, tanba naran Sport Centre, ohin ha’u ho amu la’o hale’u, haré odamatan bar-barak, iha fatin balu, moru badak, nune’e husu ba ita boot sira, kontrola komunidade sira, liu-liu joven sira, labele haksoit mai estraga tiha. Buat ne’e ba sira joven, la’ós ba katuas hanesan ita sira ne’e,” Primeiru-Ministru Kay Rala Xanana Gusmão hateten.

Xefe Governu mós husu ba Ministériu Juventude Desportu Arte no Kultura atu kria programa desportu barak,  nune’e inklina labarik sira hodi bele eleva sira nia talentu iha mundu desportu.

“Ita ohin mai inaugura tiha kampu ida ne’e, hein katak ho Ministériu Juventude Desportu Arte no Kultura bele hasai programa ne’ebé di’ak hodi treina  labarik sira, liu-liu eduka sira nia karater no dezenvolve sira nia talentu desportivu,” Xanana hateten.

Xanana Gusmão subliña Sentru Treinamentu “Korea-Timor-Leste Friendship Sports Centre- Becora”, hanesan fatin ba foin-sa’e sira, tanba ne’e inan no aman sira, joven sira hamutuk ho autoridade sira tenke hola mós responsabilidade atu kuidadu hodi kontribui ba dezenvolvimentu futeból Timor-Leste nian hahú ohin no ba futuru.

Reportajen Ekipa Rafa.tl

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!