FFTL husu Selesaun Nasionál Futeból Feminina Sub-16 Tane Imajen Timor-Leste iha Jogu AFF Women’s Championship 2025

Ekipa Selesaun Nasionál Feminina Sub-16. Imajen/Rafa.tl

DILI, RAFA.tl–Federasaun Futeból Timor-Leste (FFTL) husu ba ekipa feminina selesaun nasionál Timor-Leste  sub-16 atu tane imajen Timor-Leste iha kompetisaun jogu Federasaun Futeból ASEAN iha Solo, Indonézia.

Notísia Relevante: MJDAK “Bandu” FFTL Uza Kampu Futeból iha Munisípiu Bá Atividade Futeból

“Relasiona ho ita nia partisipasaiun, foin ba dahuluk ida-ne’e,  ha’u hakarak lori FFTL nia naran  hatao’o parabéns bá imi hotu, tanba imi maka eskulidu husi ema na’in-40 resin ne’ebé maka durante ne’e halo selesaun nasionál,  parabéns tanba imi hatudu imi nia performa ne’ebé di’ak,  hodi  bele konvense ita-nia trinadór  sira hodi hili ita-boot sira reprezenta ita-nia selesaun nasionál,” Adjuntu Sekretáriu Jerál FFTL, Fernando Baptista Xavier, hateten iha nia intervnesaun iha  serimonia despedidia ho Selesaun Nasionál Feminina U-16  iha Edifisiu FFTL, Sesta (15/08/2025), ne’ebé sei ba partisipa iha jogu AFF Women’s Championship 2025 iha Solo-Indonézia..

Adjuntu Sekretáriu  Jerál FFTL ne’e husu bá jogadór feminina sira katak, ne’e la’ós de’it oportunidade bá  boot sira ka previlejiu  mézmu idade ne’e sei ki’ik, maibé ida-ne’e responsabilidade   boot bá  ekipa selesaun sira  hamutuk   trenadór sira, tanba  bá reprezenta  Timor-Leste.

FFTL   husu bá jogadór femenina Sub-16  hamutuk  na’in-23 tenke foti no tane RDTL hahú husi disiplina iha tempu atu han, tempu bá deskansa, tempu bá treinu, tempu bá joga no seluk tan.

Iha fatin hanesan Diretór Tékniku FFTL, Gaspar Quintão,  hateten husi parte tékniku, durente akompñia hela  ekipa selesaun sira dezde treinamentu hodi  reprezenta ekipa selesaun feminina bá  partisipa jogu AFF iha Solo.

“Imi hanesan embaixadora Timor nian,  husi parte FFTL entrega tomak  responsablidade ida-ne’e bá imi nia kabas  atu kompete ho sira iha  rejiaun Áziatiku liu-liu sira-ne’ebé maka hamutuk ho imi iha ita nia grupu,” nia tenik.

Nia subliña, selesaun nasionál futeból feminia Sub-1, bá dahuluk nian, partisipasaun kompetisaun  ofisiál hanesan AFF, balun joga tiha ona AFC , maibé  nia  fiar katak ho tatíka sira ne’ebé durante ho tékiniku sira hanorin  kampu bele hatudu iha komptetisaun.

Nia dehan, maske durente ne’e  difisil tebetebes bá kampu hodi terinu, treinu de’it iha fatin ne’ebé maka  la aproriadu,  maibé ida-ne’e hatudu vontade hodi treinu tatiku, fiziku, hodi bá tuir kompeteisaun  iha jogu  ida-ne’e.

Nia dehan, try out durante ne’e nia konsidera  ekipa selesaun futeból feminina, sub-16, hatudu duni jogu di’ak, tanba ne’e  enkorza katak ekipa selesaun sei hatudu performa di’ak bá iha kompetisaun refere.

Iha fatin hanesan,  Treinadór Sub-16 femenina,  António Timotio Moreira, hateten  grupu selesaun ne’e foin primeiraves, maibé ida ne’e oprnundade bá feto, ho lideransa foun  FFTL,  Nilton Telmo  Gusmão dos Santos, fó oporunidade bá sub-16 feminina nian.

“Ha’u atu hateten katak, la’ós bá ida-ne’e de’it, maibé sei iha tan prosesu tuir mai,  tanba ne’e oportunidade boot bá sub-16 bá kraik hodi hahú,” António Timotio Moreira hateten.

Treinadór ne’e fó grantia bá FFTL katak, ekipa ne’ebé daudaun  atu desloka bá bele lakon, maibé, sei lakon ho eskore boot tanba ne’e nia husu ekipa selesaun feto sira,  tenke hataudu performa di’ak bá jogu refere hodi motiva jesaun ne’ebé tuir mai banati tuir.

“Sei imi  la hatudu ezemplu di’ak, imi nia alin sira tuir mai mós sei la’o tuir imi, ne’e ha’u dehan bebeik ona, ne’ebé ita hahú ita aprende, ita la’ós dehan atu bá kompete, dala ruma mós todan, atu kompete, maibé ida-ne’e foin  primeiraves, tuir mai ita bá la’ós atu bá partisipa, maibé ne’e ita bá kompete ona,” nia hateten.

Tuir oráriu jogador sira selesaun nasionál feminine Timor-Leste Sub-16 sei arranka ba Solo-Indonézia, iha loron 18 fulan-Agostu, no sei hela iha ne’eba durante semana ida, hodi kompete ho nasaun ASEAN sira seluk, iha jogu rejionál ASEAN Women’s Championship sub-16 tinan 2025.

Reportajen Ekipa Rafa.tl